Канадскиот премиер Џастин Трудо најави денес длабока реформа на начинот на именување судии во Врховниот суд за да се обезбеди независност и транспарентност на одлуките на ова највисоко судско тело.
“Деветмината мажи и жени кои седат во клупите на Врховниот суд мораат да бидат правници од највисоко ниво, да ги зборуваат двата јазика и мораат да ја претставуваат разновидноста на земјата», вака Трудо го направи портретот на овие врховни судии.
Мина времето, рече тој, во кое владите, либерални и конзервативни, именуваа судии во текот на процедура која не е транспарентна, која е застарена и која бара добро чистење на прашината која се наоѓа врз неа.
“Отсега, независен и аполитичен комитет ќе има задача да ги идентификува потенцијалните кандидати” кои би можеле да седат во Врховниот суд, се вели во соопштението на канадската влада.
Актуелните деветмина судии, три жени и шестмина мажи, беа именувани од страна на гувернерот кој ја претставува кралицата Елизабета Втора а на предлог на владата. Судиите можат да останат на ова место до 75 годишна возраст.
Комитетот за селекција е составен од седум члена, четворица именувани од разни судски тела и тројца кои не се правници но се квалификувани лица кои ги избира министерството за правда.
“Именувањето во овој суд е една од најважните одлуки на овој премиер. Време е сите ние заедно да ја донесеме оваа одлука”, напиша Труди објаснувајќи дека прашалникот со одговорите на кандидатите ќе биде јавен документ а потоа ќе има јавна сесија на Парламентот на која пратениците ќе можат да ги постават сите прашања.
Во Канада во последните години Врховниот суд повеќе пати донесе одлуки кои беа спротивни на законските проекти на претходната конзервативна влада како на пример на еутаназијата, минимална затворска казна или нацрти закони од областа на животната средина.
Трудо додаде дека Канаѓаните, со оваа транспарентна и незвисна процедура “можат да бидат сигурни дека сите членови на Врховниот суд се највисоко квалификувани и целосно одговорни”.
Трудо ќе предложи исто така и рефорна на изборите за да ја врати, како што рече самиот, демократијата во Канада.