Министерството за одбрана (МО) потенцира дека македонските војници во Либан, во рамки на мисијата УНИФИЛ на Обединетите нации (ОН), и изрази длабоко сочувство за жртвите во вчерашната разорна експлозија во Бејрут.
„Министерството за одбрана изразува длабоко сочувство за жртвите во разорната експлозија во Бејрут. Припадниците на Армијата на Република Северна Македонија во мисијата на Обединетите нации во Либан, УНИФИЛ, се безбедни и сигурни“, се наведува во соопштението на МО.
На мисија во Либан во моментот се ангажирани тројца припадници на Армијата, кои се распоредени и ги извршуваат своите задачи на безбедни локации надвор од Бејрут.
„По веста за повредени морнарички мировници во мисијата на Обединетите Нации во Либан, УНИФИЛ, чиј брод бил погоден во експлозијата на пристаништето во Бејрут, изразуваме надеж за побрзо закрепнување на мировниците и поддршка до земјите од каде тие потекнуваат“, се додава во соопштението на Министерството за одбрана.