Мисијата на САД во ОБСЕ го повика претседателот Иванов да ја преиспита одлуката и да им даде можност на партиите кои обезбедија парламентарно мнозинство да формираат влада. Во соопштението од централата во Виена, американската мисија го предупредува Иванов дека неговата одлука е недемократска и спротивна на владеењето на правото и принципите на ОБСЕ. Во продолжение прочитајте што порака прати мисијата на САД во ОБСЕ до Иванов и лидерите на политичките партии.
„Заедно со нашите сојузници во НАТО и партнерите од ЕУ, САД внимателно го следиме процесот на формирање на влада во Македонија, по изборите на 11 декември 2016 парламентарните избори.
САД е разочаран што претседателот Иванов одби да им понуди можност да се формира новата влада на претставниците кои имаат јасна парламентарно мнозинство. Ние сметаме дека оваа одлука не е во согласност со заложбите на ОБСЕ, основните демократски принципи и владеењето на правото, што се основни вредности на оваа организација.
Како стратешки партнер и пријател на Македонија, како и со целосно почитување на суверенитетот и единството, бараме од претседателот Иванов да ја преиспита својата одлука. Ние, исто така ја повикуваме Владата, политичките лидери и партиите да се воздржат од напади врз организациите од граѓанското општество и да помогнат да се обезбедат услови и поддршка за независните гласови и институции да ја извршуваат својата работа. Во исто време, ги повикуваме соседите на Македонија да покажат воздржаност и да бидат конструктивни во овој момент на зголемена политичка чувствителност во земјата.
САД ги повикува сите страни да ги стават интересите на Македонија и нејзините граѓани пред се друго, да работат конструктивно, и за целосно спроведување на сите нивни обврските од Договорот во Пржино. Решавање на политичката криза може да дојде само преку почитување на законите на Република Македонија и меѓународните обврски, и почитување на волјата на народот слободно изразена преку демократски процеси, вклучувајќи и врз основа на резултатите од изборите во декември 2016 година, и во духот на инклузивност и меѓуетничка соработка.“, пишува во соопштението.