Претседателот на ВМРО ДПМНЕ Христијан Мицкоски деновиве ќе престојува во Австрија и Унгарија. Од партијата потврдуваат дека тој ќе се сретне со унгарскиот премиер Орбан, но тврдат дека нема да има средба со Никола Груевски.
Средбата со Орбан е предвидена за утре.
„На средбата се очекува да се разговара за прашања поврзани со актуелната политичка и економска состојба во Република Македонија, како и размена на информации на ниво на сестринските партии за правците на понатамошно делување во пресрет на претстојниот Конгрес на Европската народна партија и изборот на новото раководство“ пишува во партиското соопштение за средбата меѓу Мицкоски и Орбан.
За посетата во Виена , од ВМРО ДПМНЕ велат дека Мицкоски ќе има средба од научен карактер, размена на искуства и информации поврзана со неговата професорска дејност на Универзитетот „Св. Кирил и Методиј“.
Почесниот претседател на ВМРО ДПМНЕ Никола Груевски има статус на азилант во Унгарија од ноември минатата година. Тој побегна од земјава откако Судот му ги одби сите поднесени жалби за одложување на казната и тој требаше да замине во затвор. За случајот „Тенк“, Груевски беше осуден на две години затвор.
ВИДЕО- Груевски на сослушување во Судот во Будимпешта – се одлучува за негова екстрадиција
Груевски на слобода- Судот во Будимпешта не ја одобри екстрадицијата