Перо Антиќ, поранешен член на Фенербахче, а во моментот на белградска Црвена звезда, е прогласен за најдобар кошаркар на Македонија за 2017 година. Манифестацијата е во организација на македонската кошаркарска федерација, а во изборот учествуваа спортските редакции во медиумите, тренери, судии и клубови. Признанието за најдобра кошарка го понесе Јелена Антиќ од Висла Кенпак.
Кошаркарски „лауреати“ во младинска конкуренција се Дамјан Крстевски од Работнички и Тијана Митрева од италијански Мерцедес Алегро. Претставник на МЗТ Скопје ја понесе наградата за најдобра машка екипа на година, а за најдобра женска екипа е прогласена ЖКК Бадел 1862.
Љупчо Малинков од Фени е прогласен за најдобар тренер во машка конкуренција додека Бране Андриевски од ЖКК Вардар во женска конкуренција. Награди им беа врачени и на нивните колеги Денис Дервишевиќ (мажи, младинска конкуренција, клуб Феникс) и на Анета Глигорова (жени, младинска конкуренција, Бадел).
Вардар (мажи) и ЖКК Бадел 1962 се најдобрите екипи во младинска конкуренција за годината што изминува во која Алија Феревски остави најсилен впечаток меѓу судиите.