Можност за намалување на работната недела во Хрватска на четири денови

Хрватскиот министер за труд Јосип Аладровиќ не исклучи можност државата да воведе скратување на работната недела поради пандемијата на коронавирус. Тој рече дека е најавена седница на Економско-социјалниот совет, на која работодавачите, синдикатите и Владата ќе се обидат да постигнат консензус за тоа каде би можеле да се направат можни заштеди.

„Потпишани се колективни договори, но очекувам претставници на работниците да ја прифатат ситуацијата“, изјави Аладровиќ за „РТЛ Данас“.

Тој исто така најави дека работната недела може да се намали на четири дена.

„Во овој момент, ние се решивме за мерките што ги презентиравме минатата недела, но јас не би ја исклучил мерката за скратување на работната недела, рече Аладровиќ.