Нова епизода во заладените односи меѓу Жозе Мурињо и Антонио Конте. Менаџерите на Манчестер јунајтед и на Челзи не се „мирисаат“ и нивните вербални „пецкања“ во Премиерлигата се честа појава. Препукувањата овојпат почнаа по изјавата на Португалецот дека некои менаџери во англиската фудбалска средина се „однесуваат како лудаци“.
Не требаше многу време за Конте да се препознае во тоа, па одговори дека Мурињо „пати од сенилност и притоа заборава кој се однесува како кловн крај аут линијата“.
„Специјалниот“, како што го нарекуваат португалскиот менаџер на „црвените ѓаволи“, сепак, го зададе решавачкиот удар навраќајќи се десетинагодини наназад на скандал што го тресеше италијанскиот фудбал.
„Точно е. Правев грешки крај аут линијата. Да, признавам дека правев грешки. Но, никогаш не бев ниту ќе бидам казнет за местење на натпревари“, рече Мурињо алудирајчи на четиримесечната суспензија што Конте ја доби во сезоната 2012/13.
Конте беше под суспензија со образложение дека не сторил ништо да спречи лажирање на натпревар во 2011 година во кој учествуваше Сиена, екипа на чие кормило беше во тој период.