Почнаа препукувањата пред големото дерби во англискиот фудбал. Утре попладне Жозе Мурињо со Манчестер јунајтед ќе пристигне на „Стемфорд Бриџ“ каде ја стекна сета слава во тренерската кариера и остави неизбришлива трага кај фановите на „сините“.
Во најавата за мечот, Мурињо се осврна на времето минато во Челзи и, особено, на релацијата со Роман Абрамович со кого вели дека не биле особено блиски.
„Тој никогаш не беше мој пријател. Секогаш имавме однос газда – менаџер. Тоа беше соработка со голема взаемна почит, но никогаш не бевме блиски. Абрамович е човек за кого имам голем респект“, изјави Португалецот.
Антонио Конте за првпат ќе биде сведок на амбиент при гостување на Мурињо на „Стемфорд Бриџ“. И самиот е свесен дека ќе има топло добредојде од трибините за екс-менаџерот на Челзи. Имајќи во предвид што се Португалецот направи за време на неговиот мандат во Лондон, за поранешиот селектор на Италија нема сомнение дека купил дел од историјата на клубот.
„Кога ќе освоите три титули, вие засекогаш ги освојувате срцата на навивачите. Тоа е нормално и Мурињо го заслужи. А потоа, по првиот свиреж на судијата, тој ќе биде како и фудбалерите на Манчестер јунајтед – непријател меѓутоа од спортски аспект“, рече Конте.