Министерството за внатрешни работи попладнево соопшти дека презема мерки и активности за расчистување на денешниот инцидент на прославата на Илинден во Крушево, кога поединци кои беа присутни на прославата фрлаа со предмети кон присутните делегации.
Се преземаат мерки за идентификација на сторителите и против нив ќе бидат поднесени соодветни поднесоци. Министерството за внатрешни работи во содејство со Јавното обвинителство презема мерки и за расчистување на случаите со ширење на говор на омраза на денешната манифестација во Крушево.
Како што јавија репортерите од самото место припадници на неколку навивачки групи и тнр. патриотски здруженија со говор на омраза кон Албанците, навреди, скандирања и извикувања на погрдни зборови го попречуваа празнувањето на државниот празник на недоличен начин. Истите тие подоцна пластични чаши и шишиња ја нападнале владината делегација и претставниците на странските претставништва во земјава кои биле присутни таму.