Осум ученици и еден обезбедувач загинаа во престрелката што утринава во училиштето во Врачар, потврдија од Министерството за внатрешни работи на Србија.
Според соопштението на МВР, ранети се уште шест деца и еден наставник, кои во моментов се згрижени во ургентниот центар и Тиршова.
Ученик од ова училиште К. К. (14), кој е осомничен дека го сторил ова кривично дело, бил пронајден и уапсен во училишниот двор, потврдија од МУП.
Сите полициски сили се уште се на терен и интензивно работат на расветлување на сите факти и околности кои довеле до оваа трагедија, се додава во соопштението.
Момчето било мирно и одличен ученик, еден од најталентираните ученици во основното училиште, а прво пукало во наставничката по историја, па во соучениците.
Откако го направил масакрот, избегал, но полицијата успеа да го приведе. Според српските медиуми, кога бил приведуван рекол дека е психопат.
Тој е син на познат српски радиолог
„Доби единица по историја и затоа полуде. Пукаше во наставничката по историја на час, а потоа и во неговите другари. Тој ги има сите петки, сите го знаеме како бубалица“, се дел од изјавите на соучениците.
Како што дознава informer.rs, Коста одел на натпревари по математика и биологија и добивал бројни награди и пофалби. Важи за еден од најталентираните ученици од основното училиште каде го изврши масакрот.
Мајката на еден од учениците за Телевизија Прва изјави дека од нејзиниот брат дознала дека имало страшно пукање, по што веднаш се упатила кон училиштето во Врачар.
Слушнавме дека една учителка е застрелана и дека се борат за живот, а дека биле застрелани неколку деца, немам повеќе информации“, вели вознемирената мајка.
Како што рече, веста утрово и ја соопштил нејзиниот брат, велејќи дека во училиштето имало некакво пукање.
„Потоа веднаш дојдов, полицијата беше таму, се тресев. Не не пуштија да поминеме, туку само ги замолив да ми кажат во кое дете е пукано, а подоцна се дозна дека има повеќе повредени“, вознемирено рече таа.мајка.
Како што додаде таа, подоцна дознале дека чуварот починал.
„Ќерка ми после ми се јави, рече дека е безбедно и ми кажа што се случило, биле на физичко, потоа дошло до пукање, а кога се качила горе на следниот час, човекот од обезбедувањето паднал пред неа. Се исплашила и побегнала“, раскажува мајката на ученичката.