МВР: Вкупно 275 сообраќајни прекршоци во Скопје за 24 часа, 57 за брзо возење

Вчера, на територијата на град Скопје, во рамки на засилените акциски контроли во областа на сообраќајот се изречени вкупно 275 мерки, меѓу кои за возење повеќе од дозволената брзина 57 санкции, 24 за возење без возачка дозвола, а 31 прекршок што ги чинат возачите на мотоцикли.

Од Министерството за внатрешни работи (МВР) денеска соопштија дека се изречени 17 санкции за користење мобилен телефон, 16 за возење под дејство на алкохол, девет за возач почетник, пет за некористење сигурносен појас, пет за минување на затворен сигнал (црвено светло) и 64 санкции за непрописно паркирање.

Засилените акциски сообраќајни контроли продолжуваат, најавија од МВР и апелираат до граѓаните да ги почитуваат сообраќајните правила и прописи.