Заклучно со вчера, вакцинирани се 781.623 граѓани, а ревакцинирани се 714.135, односно аплицирани се вкупно 1.495.762 дози од вакцините против ковид-19. Прва доза на вакцина во текот на вчерашниот ден примиле 1.717 лица, а вкупно се вакцинирале 6.897 граѓани, соопшти Министерството за здравство (МЗ), наведувајќи дека имунизацијата се одвива непречено на сите пунктови низ државата и на терен.
Со последните бројки, барем една доза на вакцина имаат примено 55 отсто од населението над 40 години и 31 отсто од населението од 18 до 39 години.
Министерството потсетува дека за вакцинирање на пунктовите не е потребно закажан термин, а децата од 12 до 18 години се вакцинираат со согласност од родител.
„Вакцините се безбедни и ефикасни и се единствениот начин да се победи пандемијата. Само со комплетна вакцинација се спречува тешка форма на болеста, се намалува шансата од заболување, како и смртен исход“, информира Министерството за здравство.