Најмалку осум цивили беа убиени, а 35 повредени во руските напади низ Украина во текот на изминатите 24 часа, пренесува Кијив Индепендент.
Нападите се случија неколку часа пред средбата на претседателот Володимир Зеленски со американскиот претседател Доналд Трамп и неколку дена по самитот на Трамп со рускиот претседател Владимир Путин во Алјаска.
Според украинските воздухопловни сили , руските сили преку ноќ лансирале 140 борбени дронови од типот „Шахед“ и дронови-мамки, како и четири балистички ракети „Искандер-М“.
Украинската воздушна одбрана пресретна 88 руски дронови, додека 25 ракети и дронови погодија 10 локации.
Во руски напад врз Харковската област загинаа најмалку четири цивили, а 18 се повредени, според гувернерот Олех Синиехубов , при што беа оштетени десетина станбени згради и неколку возила.
Во Запорошката област , едно дете е убиено, а шест лица се повредени кога руските сили извршија 502 напади врз 14 градови, изјави гувернерот Иван Федоров .
Во Донецката област , три лица загинаа, а седум се повредени, изјави гувернерот Вадим Филашкин .
Во Херсонската област , двајца цивили беа повредени кога руските сили нападнаа станбени области и критична инфраструктура, оштетувајќи 10 куќи, соопшти гувернерот Олександр Прокудин .
Руските напади врз Сумската област повредија две лица, а цел на нападите беа 37 населени места со до 90 напади, соопштија локалните власти.