Германската канцеларка Ангела Меркел на 14 Октомври ќе ја посети Тирана при што ќе оствари средба со шефовите на држави и влади на земјите од Западен Балкан. Целта на оваа посета е како што велат дипломатски извори Меркел да ја пренесе пораката дека Германија останува посветена на интеграцијата на регионот во ЕУ и по нејзиното напуштање на канцеларската функција по изборите во Германија закажани за 26 септември.
Ден претходно, на 13 Октомври, Меркел ќе пристигне во Белград каде што ќе оствари средба со претставници на граѓанските организации од Западен Балкан. Канцеларката Ангела Меркел која е 16 години на оваа функција и покрај вербалните заложби за интеграција на Балканот својата политичка кариера ја завршува без позначајни резултати во однос на оваа нејзина дипломатска заложба. Според познавачите на приликите изборите во Германија не се очекува да донесат позначаен исчекор на германската надворешна политика во однос на интеграцијата на Западниот Балкан. Според дипломатските извори на Нова, главна дестинација за Меркел е Тирана која таа не ја посети за време на нејзиниот 16 годишен мандат.