Шеста година по ред ќе се прогласуваат најдобрите корисници на социјалната мрежа „Твитер“, а од годинава како новитет се воведени категории кои ќе опфаќаат и други социјални мрежи, како што се „Инстаграм“ и „Фејсбук“.
Освен тоа, од оваа година ќе се биде опфатена и една растечка категорија на корисници и создавачи на видео содржина на интернет – видео блогерите т.н. влогери.
Низ годините на манифестацијата Твитер и Блогираме добитници биле повеќето позначајни чинители од сферата на интернет просторот во Р. Македонија, а во последните години и во телевизискиот и радио просторот.
Карактеристично при изборот на најдобрите е дека корисниците сами номинираат и сами одлучуваат што е најдобро и никој никогаш нема да интервенира во нивниот избор и да одлучи поинаку.
Односно, десетте корисници кои што се највеќе пати предложени во секоја од категориите се номинирани за гласање за избор на најдобрите.
Мотото на манифестацијата останува „Од заедницата, за заедницата“.
Гласањето започна на 20.ноември, а ќе трае до 12.декември, 2017 година.
Организирањето на овој настан има има за цел да прерасне во меродавна манифестација која ќе ја мери успешноста на целокупниот интернет простор, вклучувајќи ги корисниците на социјалните мрежи, веб сервисите и веб и мобилните апликации.
Влез не се наплаќа со цел посетителите да донираат средства за хуманитарни цели. Наградувањето ќе се одржи на 16.декември 2017 година во Кино Фросина.
Оваа манифестација е во организација на Блокираме.мк, а вие можете да гласате на следниот линк: http://twitternagradi.com/intro