Хеликоптер на Министерството за внатрешни работи (МВР) од типот МИ17 се преврте на писта на Меѓународниот аеродром во Скопје. Инцидентот, што го потврдија и во МВР, се случил претпладнево околу 11:30 часот. До превртување на леталото дошло по слетување, а како првична, неофицинална причина се наведува силниот ветар.
Членовите на екипажот во превртениот хеликоптер се наоѓаат во добра состојба, а еден од нив се здобил со полесни повреди.
Хеликоптерот се подготвувал за тренажен лет на екипажот. Пред полетувањето, леталото било полнето со гориво кога се превртело на пистата. МВР соопшти дека еден припадник на екипажот е полесно повреден. На лице место увид вршат припадници на полицијата, а истрагата ја води комисијата за испитување на сериозни воздухопловни инциденти.