На „светците“ им светна: ПСЖ го освои Суперкупот на Франција

Екипата на ПСЖ го освои Суперкупот на Франција, откако со убедливи 4:0 го совлада Монако.

Натпреварот се играше во кинескиот град Шенжен, а ова е прв трофеј за новиот тренер на ПСЖ, Германецот Томас Тухел.

Анхел ди Марија беше играч на натпреварот и постигна два гола за францускиот шампион, а по еден реализираа Кристофер Нкунку и Тимоти Веа.

Меѓу стативите на „светците“ дебитира и новиот голман на ПСЖ, Џанлуиџи Буфон, а Нејмар се појави на теренот во последните двасетина минути од натпреварот.