На возачот на автобусот во кој загинаа десет лица, а над 40 беа повредени, кој вчера утрото се случи во Славонски брод во Хрватска, му се заканува затворска казна до 15 години, пишува Index.hr
Возачот денеска претпладне ќе биде предаден на затворскиот службеник, потврдил Дамир Брежиќ, полициски службеник за односи со јавност на полициската управа Брод-Посавина за SBplus.
Автобусот се движел на релација Франкфурт – Приштина.
– Откако ќе го предадеме на затворскиот надзорник, тој ќе биде донесен и во Државното правобранителство на прво испрашување. Државното правобранителство потоа ќе реши за понатамошниот тек на постапката, односно дали ќе побара притвор или возачот ќе биде ослободен , изјавил Брезиќ за „ СБплус “.
Тој додал дека Државното правобранителство може утре наутро да ги испрашува возачите, но „веројатно е дека тоа ќе се случи денеска“.
Возачот на автобусот со косовски регистерски таблички е осомничен за кривично дело од член 227 од Кривичниот законик – предизвикување сообраќајна незгода во сообраќајот на патиштата, за што максималната казна е затвор до 15 години.
Во страотната сообраќајна несреќа којашто се случи вчера на автопатот кај Славонски Брод десет лица загинаа, а Итната помош згрижи 44 лица. Од нив, 15 беа тешко повредени, а едно од нив е девојче.
Во автобусот со косовски регистерски таблички имало 69 лица, меѓу кои и двајца возачи.
Денеска на Косово е прогласен Ден на жалост за жртвите од трагичната сообраќајна несреќа.