Универзитетот Харвард, кој е најбогат во светот, вчера соопшти дека, во фискалната година што заврши во јуни, остварил профит од 34 отсто и го зголеми своето богатство на 53,2 милијарди долари. Зголемувањето на профитот се должи на инвестициите во јавниот и во приватниот сектор.
Главниот менаџер за инвестиции и извршен директор на компанијата „Харвард Менаџмент Компани“, Н.П. Нарвекар изјави дека профитот оваа година ќе бил многу поголем, доколку универзитетот инвестираше во поризични бизниси. Сепак, тој истакна дека таков резултат не може да се постигне секоја година.
Нарвекар во годишниот финансиски извештај на Универзитетот наведе дека Харвард ризикувал многу помалку во изминатите години отколку другите универзитети.
„Со други зборови, со оглед на развојот на пазарот во минатата година, со значително повисоко ниво на ризик, драматично ќе се зголемеше заработката на ХМЦ, нагласи Нарвекар.