Шејн Лонг од синоќа е стрелец на најбрзиот гол во Премиерлигата. Фудбалерот на Саутемптон погоди во шестата секунда во мечот со Вотфорд за место во историјата на елитното англиско фудбалско друштво и тешко е веројатно дека некој ќе може да го потисне. Медиумите забележуваат дека реализацијата дошла и пред прикажување на графиката во телевизискиот пренос.
https://www.youtube.com/watch?v=ZXKPdkUmuV4
Досегашен сопственик на најбрзиот гол во Премиерлигата беше Ледли Кинг кој се запиша во листата на стрелци за 9,82 секунди. Инаку мечот меѓу Вотфорд и Саутемптон заврши без победник – 1:1. На погодокот на гостите во шестата секунда, возвратија домашните во 90. минута. Во вториот меч од синоќешната програма, Тотенхем го совлада Брајтон со 1:0 со голот на Кристијан Ериксен во 88. минута.