Претседателот на Франција Емануел Макрон побара од премиерот Едуард Филип да се сретне со лидерите на најголемите политички партии во земјата и со претставниците на движењето кое стои зад  протестите поради зголемените давачки на горивата.

Макрон вчера во Елисејската палата се сретна со Филип, со министерот за внатрешни работи Кристоф Кастанер и со министерот за екологија Фарсоа де Рижи при што разговарале за насилсните протесто на „Жолтите елеци“ во Париз.

Во соопштението по средбата се наведува дека Макрон побарал и од Кастанер да разгледа измени на безбедносните процедури за да се запрат насилсните протести. Планираниот состанок на Филип со претставниците на демонстрантите не се одржа, бидејќи беше одбиено барањето, средбата да се пренесува во живо.

Кастанер и неговиот заменик во вторник ќе говорат пред парламентарната комисија за ескалацијата на протестите.

Според полицијата во протестите во саботата повредени се 133 лица, од кои 23 полицајци, запалени се шест згради, 130 барикади и 112 автомобили. Во притвор задржани се 378 луѓе, од кои 33 се малолетни лица.

Жолтите елеци се симбол на истоименото движење кое организира протести ширум Франција поради зголемување на данокот на горивата.

Според француските власти, овие протести се најголемите нереди во Париз од 1968 година.

Најсериозниот предизвик за Макрон

Францускиот претседател Емануел Макрон се соочува со најсериозната политичка криза во земјата од неговото доаѓање на власт во мај 2017 година, предизвикана од протестите на „жолтите елеци“, што започнаа како одраз на незадоволството од вискоите цени на горивата.

„Њујорк Тајмс“ оценува дека по враќањето од Самитот на Г-20, што во петокот и саботата се одржа во Аргентина, Макрон ја затекна Франција во конфузија и разочараност по насилните протести на „жолтите елеци“.

Со цел да придонесе за намалување на тензиите, Маркон му нареди на француксиот премиер Едуар Филип да разговара со претсавниците на демонстрантите, но и со лидерите на опозициските партии, за да се најде решение за излез од кризата.

„Фајненшал Тајмс“ смета дека антивладините протести ширум Франција предизвикаа шок во Париз и го принудија Макрон на итна акција за излез од кризата, кој викендов дури свика и вонредна владина седница посветена на протестите.

Протестите на движењето на  „жолтите елеци“ изминативе два дена, беа трет викенд по ред на насилство во Франција од почетокот на собирите против високите цени на горивата. Движењето заполна спонтано како собири организирани преку социјалните мрежи, но прерасна во масовни протести против економските реформи на Макрон, кои засега не ги дадоа очекуваните резултати.

Макрон претходно тврдеше дека никогаш нема да отстапи пред уличните протести, нема да се испалши и нема да се откаже од својот пробизнис проект за трансформација на Франција и справување со децинската масовна невработеност и спориот економски раст.

Но, секојдневните протести и растечкото незадовоство на населението го натераа Макрон да прифати разговори со „жолтите елеци“ и да ги разгледа нивните барања.

Макрон се обидува да се претстави себеси како прогресивен лидер кој ќе ја предводи борбата против национализмот и популизмот во Европа, но, како што оценува „Гардијан“, тоа нема да му биде лесно се додека во Париз горат барикади, а демонстрантите неговата Влада ја сметаат за „арогантна елита“.

Проблемите за Макрон лежат во тоа што тој се покажа како неподготвен за вакви протести, кои почнаа како спонтан израз на незадоволството, но прераснаа во собири зад кои застанаа политички лидери, синдикати и политички партии.

Француската Влада не го предвиде овој граѓански бунт, кој може да се покаже како иницијална каписла за поттикнување на гневот на јавноста од високите даноци и големите државни трошоци.

„Гардијан“ оценува дека единстевна надеж на Макрон за спречување нови насилства е да ги смири протестите и граѓанскоот незадоволство, предложувајќи конкретни решенија.