Зоран БОЈАРОВСКИ
До каде е подготвен да оди за да ја оствари амбицијата „сѐ или ништо“ (од Македонија) за да дојде на власт, а земјата да ги загуби преговорите или да ги одложи на недогледно време, говорат и низата дезинформации што лидерот на ВМРО-ДПМНЕ Христијан Мицкоски ги шири речиси во секој негов јавен настап за да создаде лажна слика дека неговите аргументи се реални, основани и додволно силни за да ја оправдаат неговата нихилистичка позиција.
Најголем број на дезинформации беа искажани во интервјуто на ТВ Канал 5 и во продолжение ви презентираме некои од нив.
Вели „Радев после 6 месеци ќе ви мавта со протоколот и ќе постави вето зашто нема напредок во Комисијата за историски прашања…“. Тоа не одговара на вистината. Протоколот е рамката за решавање на билатералните прашања меѓу Македонија и Бугарија, а билатералните прашања нема да бидат обвзувачки и да го одредуваат процесот на пристапување на Северна Македонија во ЕУ, рече неодамна високиот претставник за недворешна политика и безбедносни прашања на ЕУ Жозеп Борел.
Борел уште дополни: „Северна Македонија добро напредува и од европска страна нема ништо што би го блокирало нејзиното пристапување во ЕУ. Во овој пристап строго ќе се почитуваат европските принципи и стандарди“.
Мицкоски шири дезинформации и кога вели дека „оваа власт ја направиле државата федерална „де факто“, иако не била и „де јуре“. Вистината е Северна Македонија ниту „де факто“, ниту „де јуре“ не е федерација. Можеби е во главата на Мицкоски, но тоа е негова перцепција која не треба да ѝ ја наметнува на јавноста.
Во серијата дезинформации во интервјуто на Мицкоски ја забележавме и оваа со која со создава погрешна слика кога вели дека „во Украина живеат огромни малцинства на соседните држави на Украина, од Унгарија и Полска да речеме, коишто немаат никакви права споредено со овие 756 Бугари во Македонија“.
Според анализата на укаринскиот закон за малцинства, односно заедници, Венецијанската Комисија на Советот на Европа, констатира дека Украина со членот 5 од законот им го гарантира на припадниците на малцинствата правото на самоидентификација, односно на само-оппределување, правото на политичко орагнизирање и учество во здруженија и асоцијации, правото на слобода на изразување и на верска определба, на користењето на јазикот на заедницата, на образование на јазик на заедницата…
Мицкоси шири дезинформации и за процентот на искористеснот на ЕУ фондовите од страна на Македонија кога вели дека изнесува 30%.
Вистината е дека Македонија е на второ место по искористеност на европски средства на инвестицискиот фонд за Западен Балкан веднаш после Црна Гора. Земјата учествуваше во сите 28 повици за техничка помош кои се досега објавени и на сите седум за инвестициски грантови, по што се одобрени 43 грантови во вредност од 2,6 милијарди евра за вкупна вредност на инвестиција од 421,4 милиони евра надополнети со заеми од околу 600 милиони евра.
Во втората половина на минатата година ЕУ одобри со четири инвестициски проекти вредни 225,6 милиони евра како дел од Економскиот инвестициски план за Западен Балкан.
Само во ИПАРД 2-програмата за развој на аграрот, минатата година ЕУ за Северна Македонија даде 60 милиони евра, за ИПАРД 3 беа одобрени уште 97 милиони евра. Тоа се неповратни пари, тоа не е задолжување на нашите граѓани, тие пари на ЕУ не треба да ѝ ги вратиме. Заедно со кофинансирањето од државата и апликантите, вкупната вредност на програмата ИПАРД 3 достигнува 210 милиони евра.
Во серијата вакви настапи се вборјува и изјавата за предметот „Феникс“ на ЈО за организиран криминал и корупција.
За Мицкоски случајот на обвинителството со кој челници на ВМРО-ДПМНЕ се обвинети за перење пари бил театар, фрлање сенка на идентитетските обележја и дефокус на јавноста од криминалот на власта.
Мицкоски со ова спинување наведува на погрешно изведување заклучок од оној на обвинителството, кое, врз основа на темелна истражна постапка формирало предмет според кој осомничените обезбедиле финансиски средства од државниот буџет со кои го финансирале извршувањето на кривичните дела и незаконски ги префрлиле на сметката на општина Центар во вкупен износ од 57.681.138 евра, соопшти обвинителството.
Потоа, при изготвувањето на спомениците во леарниците на тендер се прифатила понуда од оператор кој првенствено не ги исполнувал условите ниту пак доставил комплетни понуди, а се отфрлени сите останати понуди на тендерите. Подоцна, изработката на спомениците со поддоговори, се пренесувала на сосема други леарници, но за далеку пониски цени. Па така, на пример, ако тендерот за леење на Воинот на коњ во земјава изнесувал 4,7 милиони евра, во Италија бил излеан за 2,3 милиони евра.
Извор: Рацин.мк