Два брода и две пристаништа се оштетени во украинскиот напад со беспилотно летало врз село во јужниот руски Краснодарски регион, соопштија локалните власти на Телеграм во раните утрински часови, пренесува Ројтерс.
Екипажите на двата брода, кои беа закотвени на терминал во селото Вална, беа евакуирани, според првичните извештаи, и досега не се пријавени повредени морнари или пристанишен персонал.
Сепак, пожар избувна на површина од 1.500 квадратни метри, според локалните власти и до 2 часот наутро сè уште горел.
Украина често го напаѓаше регионот Краснодар со беспилотни летала, таргетирајќи рафинерии, складишта за гориво, пристаништа и аеродроми. Црноморскиот регион е од витално значење за извозот на енергија и воената логистика на Русија, граничи со Крим и се наоѓа во домет на беспилотни летала од Јужна Украина.
Селото Волна е близу до Кримскиот мост преку Керчкиот теснец, главна артерија за руските сили, бидејќи го поврзува копното со Кримскиот полуостров, кој беше анектиран во 2014 година од Украина.