Терористичкиот напад во Санкт Петерсбург во кој загинаа 14 луѓе, а десетина се ранети, го извршил терорист-самоубиец, јави „Интерфакс“, повикувајќи се на извори од истрагата.
Властите го утврдиле идентитетот на осомничениот за нападот во метрото кога меѓу две станици, најверојатно во тунел, дојде до експлозија, изјави извор за Интерфакс. Според доказите, експлозивната направа во метрото ја внел во ранец.
Безбедносните власти на Киргистан соопштија дека осомничениот атентатор самоубиец од Санкт Петербург е Русин со киргиско потекло.
Наводно се работи за Акбаршон Џалилов е роден 1995 година во градот Ош, изјави денеска портпарол на киргистанската тајна служба ГКНБ. Од Киргистан се вели дека тој „веројатно“ имал и руско државјанство.
Претходно Ројтерс пренесе дека напаѓачот бил поврзан со радикална исламистичка група забранета во Русија.
Агенциите јавуваат дека Русија распиша потерници за две лица – едната од нив осомничена за поставување на експлозивот во вагонот на метрото, а другата за оставање на бомбата на самата станица на метрото.
Претседателот Путин вчера вечерта одржа состанок со разузнавачките служби поради нападот и положи цвеќе на местото на експлозијата. Градските власти на Санкт Петесбург прогласија тридневна жалост.
Во нападот загинаа 11 лица, а 45 беа повредени.
Американскиот претседател Доналд Трамп му телефонирал на рускиот претседател Владимир Путин за да понуди целосна поддршка од САД. „Трамп и Путин се согласија дека тероризмот мора да биде решително и брзо поразен“, се наведува во соопштението на Белата куќа со кое е потврдена претходната изјава на портпаролот на Кремљ, Димитри Песков.