И оваа, и следната година, се очекува побавен раст на македонската економија отколку во 2021 година, прогнозира Народната Банка. Во прогнозата објавена денес се вели и дека се очекува економски раст од 2,9 отсто во 2022 година, по што ќе следи раст од 3,6 отсто во 2023 година.
„Најновите проекции упатуваат на просечна инфлација од 8,8 отсто во 2022 година, неизвесноста во однос на идните движења на цените е исклучително висока, но согласно со проекциите на меѓународните финансиски институции во следната година се очекува забавување на ценовниот раст и на инфлацијата, при што за 2023 година, се очекува инфлација од 3 отсто“, соопшти НБ.
Најновите оцени за растот на македонската економија се понеповолни поради војната во Украина и енергетската криза.
Од Брисел, пак дојдоа прогнози и на Европската Комисија кои велат дека растот на реалниот БДП и во ЕУ и во еврозоната се очекува да биде 2,7 отсто во 2022 година и 2,3 отсто во 2023 година, што е намалување од 4,0 и 2,8 отсто во ЕУ и 2,7 отсто во еврозоната.