Европската Унија (ЕУ) изрази голема загриженост за воениот удар во Судан и повика на мирен транзициски процес, јави дописничката на МИА од Брисел. Според вестите кои пристигнуваат од Судан, воените сили го ставиле претседателот во домашен притвор и уапсиле неколку членови од владата.
Десет илјади луѓе денеска протестираат на улиците на главниот град на Судан, Картум поради воениот удар, а според очевидци и локалните медиуми имало и судири и престрелки, а има и повредени луѓе. Во градот нема интернет, а аеродормот е затворен.
Акција на војската во Судан: Премиерот Абдула Хамдок и група министри во домашен притвор
Европската Унија денеска реагираше преку портпаролката Набила Масрали задолжена за надворешна политика.
Европската унија повикува на итно воспоставување на сите средства за комуникација за да може да се допре до најранливите, крвопролевањето и насилството мора да се избегнат по секоја цена, со оглед на тоа дека целиот регион се соочува со предизвици. Заштитата на Судан е поважна од било кога, изјави Масрали.
Високиот претставник за надворешна политика, Жосеп Борел ги повика сите инволвирани чинители и регионалните партнери да придонесат кон враќање на транзицискиот процес во оваа најсиромашна африканска земја.