Научна конференција „Македонскиот јазик – извор на научни истражувања“

Институтот за македонски јазик „Крсте Мисирков“ – Скопје е домаќин на X меѓународна научна конференција „Македонскиот јазик – извор на научни истражувања“, која се одржува денеска со почеток во 10 часот во амфитеатарот на Институтот.

На свеченото отворање поздравни обраќања ќе имаат проф. д-р Елена Јованова-Грујовска, директорка на Институтот, проф. д-р Биљана Ангелова, ректорка на Универзитетот „Св. Кирил и Методиј“ и проф. д-р Лидија Тантуровска, претседателка на Македонското ономастичко одделение (МОО).

Во рамките на настанот ќе биде промовиран и Зборникот од IX меѓународна научна конференција „Македонскиот јазик – извор на научни истражувања“.