Бостон и натаму ја „тероризира“ конкуренцијата во НБА лигата. Ниту Далас ноќеска не успеа да застане на патот на селтикси кои славеа со 110:102 по продолженија за 16 победа во низа. Брилјираше Кајри Ирвинг кој уфрли дури 47 поени што ги дополни со шест асистенции и три скока. Поддршка имаше од Џејлин Браун на кого му недостасуваше еден скок за дабл-дабл ефект (22 коша, девет скока) што беше случај и со Џејсон Татум (15 поени, девет скока). Како прв стрелец меѓу домашните заврши Харисон Барнс со 31 кош.
Најнеефикасно беше во „АТ&Т центар“ во Тексас во кој Сан Антонио ја совлада Атланта со 96:85. Спарси на полувреме заминаа со плус осум (46:38), но гостите во неколку наврати во продолжение на средбата се враќаа на кош до два заостанување. До пресврт, сепак, не дојде. Сан Антонио со сигурна игра во последниот период ја завери победа за скор од 13-4 и трето место на Западот. Ламаркус Олдриџ беше двоцифрен во две статистички категории (22 поена, 11 скока), ветеранот Ману Џинобили додаде 16 коша за победничката екипа.
НБА лига
Сакраменто – Денвер 98:114
Сан Антонио – Атланта 96:85
Далас – Бостон 102:110 (по продолженија)
Њу Орлеанс – Оклахома 114:107
Милвоки – Вашингтон 88:99
Мемфис – Портланд 92:100
Њујорк – Л.А. Клиперс 107:85
Филаделфија – Јута 107:86
Орландо – Индијана 97:105
Детроит – Кливленд 88:116
Шарлот – Минесота 118:102