Кошаркарите на Сакраменто доживеаја дебакл пред своите гледачи во НБА лигата. Вашингтон ги разнесе „кралевите“ со 27 коша разлика (110:83) иако резултатската катастрофа можеше да биде изразена и со поубедлива разлика од причина што „визардси“ во еден момент имаа и плус 40.
Гостите наметнаа силен ритам уште од почеток и демонстрираа добри шутерски способности во текот на целиот натпревар што домашните не најдоа противигра за парирање. Вашингтон го доби првиот период со 19 поени, на полувреме замина со предност од 27 коша за формално второ полувреме во „Голден 1 центар“.
Џон Вол беше лидер на тимот од главниот град со 19 поени кон кои додаде и девет асистенции, двоцифрени кај „визардси“ беа уште Ото Портер (16 коша), Бредли Бил (15) и Мајк Скот (13). Прв стрелец кај Сакраменто беше Богдан Богдановиќ со 15 поени.
НБА резултати
Голден Стејт – Детроит 107:115
Кливленд – Њујорк 95:114
Сакраменто – Вашингтон 83:110
Шарлот – Орландо 120:113
Бруклин – Денвер 111:124
Индијана – Сан Антонио 97:94
Атланта – Милвоки 106:117