Расел Вестбрук се избори за главна улога во седумте натпревари во НБА лигата во ноќта зад нас. Во триумфот на неговата Оклахома над Феникс со 114:101 тој запиша јубилеен, 50, трипл дабл во кариерата. Мечот го заврши со 26 поени, 22 асистенции и 11 скока што го сместија во две престижни друштва во историјата на американската професионална кошаркарска лига.
Стана седми член на клубот „20-20-10“, односно, само толку играчи во НБА лигата успеале да постигнат преку 20 поени и асистенции и прекку 10 скока во еден натпревар. По трипати им поаѓаше од рака такво нешто на Меџик Џонсон и Оскар Робертонс, подвиг што по еднаш го достигнаа Ајзеа Томас, Вилт Чемпбрлејн, Гај Роџерс и Род Стрикленд.
Вестбрук е десетти играч во историјата на НБА лигата со повеќе од 20 додавања во еден натпревар. Меџик Џонсон и Рајон Рондо го сторија тоа по четири пати, Оскар Робертсон три пати, а по еднаш таква разигрувачка партија имаа Вилт Чемпбрлејн, Фат Левер, Гај Роџерс, Род Стрикленд, Ајзеа Томас и Џамал Тинсли.
Кошаркарот на Оклахома е 50. на вечната трипл-дабл листа. Оскар Робертсон, кој во кариерата имаше 181 троен статистички ефект, е недопирлив на првото место. Втор е Џонсон со 138, Џејсон Кид е трет со 107, топ 5 го заокружуваат Вилт Чемпбрлен со 78 и Лери Бирд со 59.
НБА лига
Резултати
Оклахома – Феникс 114:101
Детроит – Индијана 90:105
Атланта – Шарлот 99:107
Кливленд – Л.А. Лејкерс 119:108
Минесота – Хјустон 109:111 (по продолженија)
Денвер – Њујорк 127:114
Голден Стејт – Портланд 135:90