Расел Вестбрук го запиша 40. трипл-дабл ефект, шести во низа, во НБА лигата во оваа сезона што, сепак, не беше доволен за Оклахома да избегне пораз во мечот со Шарлот (101:113). Ѕвездата на „тандерси“ постигна 40 коша што ги збогати со 13 скока и 10 асистенции за доближување до рекордот на Оскар Робертсон од сезоната 1961/62.
Најефикасен во победничката екипа беше Кемба Вокер со 29 коша вклучувајќи и шест тројки од 12 обиди. Најголема поддршка во нападот имаше од Френк Камински кој уфрли 18 поени и Мајкл Кид Гилкрист со 16. Шарлот е десетта екипа во Источната конференција со две победи помалку од Чикаго, Мајами и Индијана на делбата на седмата позиција.
Сан Антонио ја совлада Јута со 109:103 и одржување чекор со Голден Стејт, досега најдобриот тим на Западот и воопшто во лигата. Ленард беше предводник на „спарси“ со 25 поени, седум додавања и четири скока.
Лос Анџелес Лејкерс помалку изненадувачки го совлада Мемфис со 108:103 и, конечно, ја прекина серијата од четири порази во низа или вкупно девет во последните десет настапи. Деанџело Расел со 28 коша беше лидер на „езерџиите“, Мајкл Конли со дабл-дабл учинок (20 поени, 12 асистенции) на “гризлите“.
НБА лига
Резултати
Сан Антонио – Јута 109:103
Милвоки – Далас 105:109
Л.А. Лејкерс – Мемфис 108:103
Оклахома – Шарлот 101:113
Њујорк – Бостон 94:110