Расел Веструк си обезбеди место во историјата на НБА лигата. Забележа 33 поени, 16 асистенции и 12 скока во триумфот на Оклахома над Л.А. Лејкерс со 113:96 што е негов втор трипл-дабл учинок во само три меча. Овие бројки го прават само четврти кошаркар во НБА лигата на сите времиња што успеал до таков ефект во првите настапи во сезоната по Мајкл Џордан, Џери Лукас и Оскар Робертсон. Оладипо додаде 20 коша за „тандерси“ колку што уфрлија Расел и Рендл за „езерџиите“.
Дурант и Кари заедно постигнаа 65 коша за Голден Стејт во победата против Феникс со 106:100. Или издвоено, 37 отпаѓаат на Дурант кој запиша по еден скок и блокада и по четири додавања и украдени топки. Кари ја заврши средбата со 28 поени, еден скок и три асистенции.
Сан Антонио го совлада Мајами со 106:99 за четврта победа на „спарси“ во исто толку одиграни натпревари во новата сезона. Леонард беше најзаслужен притоа со 27 поени од кои повеќе од половина (14) ги реализира во последните шест минути. По Гасол учествуваше со 20 коша и 11 скока, а дабл-дабл на спротивната страна и од Хасан Вајтсајд (27 поени, 15 скока).
НБА лига
Резултати
Мајами – Сан Антонио 99:106
Детроит – Милвоки 98:83
Л.А. Клиперс – Јута 88:75
Феникс – Голден Стејт 100:106
Оклахома – Л.А. Лејкерс 113:96
Мемфис – Вашингтон 112:103 (по продолженија)
Хјустон – Далас 93:92