Седумкратната гренд слем шампионка во Мелбурн, Серена Вилијамс нема да учествува на претстојното издание на Австралија опен.
Следејќи ги советите на мојот медицински тим, одлучив да се повлечам од претстојнотио издание на Австралија опен. Ова не беше лесна одлука, но, јас не сум на нивото на кое што треба да бидам за да се натпреварувам, изјави Вилијамс.
Таа вели дека Мелбурн е нејзиното омилено за посета и со нетрпение очекува да игра повторно таму.
Ќе ми недостига да ги гледам навивачите, но возбудена сум што ќе се вратам и ќе се натпреварувам на моето највисоко ниво, вели Вилијамс.
Тенисерката со дури 23 трофеи од најголемите тениски турнири последниот меч го одигра изминатото лето на „Вимблдон“, каде што уште во првиот сет го предаде мечот против Белорусинката Александра Саснович.