Во тешка сообраќајна несреќа, што се случи вчера во централниот дел на Мексико, загинаа најмалку 19 лица, а тројца се повредени, јавија локалните власти.

Западните медиуми јавуваат дека несреќата се случила на патарина во близина на градот Чалко, на автопатот што Суидад де Мексико го поврзува со Пуебла, на 110 километри јужно од главниот град.

Камион со полна брзина налетал на колона од шест возила од кои повеќето се запалиле. Меѓу загинатите е и возачот на камионот, се наведува во соопштението на КАПУФ, Државната агенција за управување со патиштата.