Заменик претседателот на Владата и министер за транспорт, Александар Николоски, заедно со британскиот секретар за економски прашања и извоз, Герет Томас, денес во Лондон го заверија Договорот за соработка во реализација на инфраструктурни проекти, со кој нашата земја добива пристап до досега најголема сума на парични средства од пет милијарди фунти за реализација на клучни проекти.
Стратешката соработка со Обединетото Кралство ја гледаме како нешто што ќе ја доведе Македонија до едно ново ниво, изјави Николоски.
Денес потпишувам Договор меѓу двете влади, што го нарекуваме Меѓувладин договор, за развој на инфрструктурни проекти во клучни сектори како што се транспорт, образование, животна средина, информатичка технологија, како и други сектори коишто ќе ги развиваме, тука е здравството и образованието и ќе продолжиме да соработуваме во претстојниот период, истакна Николоски по официјализирањето на Договорот.
Британскиот министер Томас нагласи дека двете земји имаат цврсти билатерални односи, како партнери во НАТО и оцени дека ова ново партнерство претставува значаен чекор напред во идната трговија меѓу двете држави.
Тој ја изрази својата радост поради можноста за соработка на македонските и британските компании со цел да се реализираат клучни инфраструктурни проекти во државата.
Меѓувладиниот договор ќе поддржи испорака на клучни проекти, прво со фокус на модерни и здравствени установи и пристап до здравствени услуги. Секако тука е новата железница со што ќе се намали времето на патување и за луѓето и за стоките. Инфраструктурните инвестиции знаеме дека се клучни за да се поттикне економскиот раст и да се подобри животот на граѓаните. Знам дека е тоа наша заедничка цел, за нашите влади се разбира и ова партнерство е новиот темел за поддршка на таквата испорака за да се поттикне растот, да се споделат најдобрите пракси меѓу нашите две нации и секако нашите меѓусебни односи да се издигнат на едно ново ниво”, заклучи Томас.
Македонската Влада пред два дена го прифати текстот на Договорот откако премиерот Христијан Мицкоски и неговиот британски колега Кир Стармер постигнаа согласност за стратешко партнерство на средбата одржана во рамките