На тенисерот не му е дозволен влез во земјата, бидејќи, според австралиската гранична служба, направил грешка при аплицирањето за виза и таа не ги исполнува условите за влез во државата. Тој во моментов се наоѓа во хотелот „Парк“, кој е дом на баратели на азил во земјата.
Дали српскиот тенисер Новак Ѓоковиќ ќе може да влезе во Австралија и да учествува на првиот Грен слем оваа сезона ќе се знае в понеделник, кога судот во Викторија ќе ја донесе конечната одлука и тоа во 10 часот по локално време, а околу полноќ по средноевропско.
Ѓоковиќ се најде пред Федералниот суд во Австралија откако неговиот тим на адвокати поднесоа жалба на одлуката да му се забрани влез во оваа држава.
На тенисерот не му е дозволен влез во земјата, бидејќи, според австралиската гранична служба, направил грешка при аплицирањето за виза и таа не ги исполнува условите за влез во државата.
Членот на тимот на Ѓоковиќ, кој беше задолжен за документацијата, направил грешка и го избра типот на виза што не може да се добие со медицинско ослободување од вакцинација против Ковид-19. Поради тоа, на Ѓоковиќ му била откажана визата.
Србинот во моментов се наоѓа во хотелот „Парк“, кој е дом на баратели на азил во земјата.
Пред хотелот се собраа навивачи и му порачаа дека не е сам во оваа борба.
Српскиот тенисер завчера полета кон Австралија со надеж дека ќе добие дозвола за влез во земјата и покрај тоа што не е вакциниран. Тој се повика на медицинска потврда за ослободување од вакцинација, но очигледно тоа не му помогна да игра на Грен слемот во Мелбурн.