Двајца вооружени напаѓачи вечерва отворија оган врз ресторан во истанбулската населба Фатех. Според првичните информации, во престрелката нема загинати, а британските медиуми, преку нивните дописништва, јавуваат за повредени лица. Инцидентот доаѓа по четири дена од упадот во ресторанот „Реина“ пришто беа убиени 39 лица и ранети повеќе од 60.

Неофицијално, засега нема индиции дека станува збор за нов терористички напад туку во прашање е лична пресметка. Локалните медиуми, повикувајќи се на очевидци, пренесуваат дека се работи за изолиран инцидент. На местото на настанот се излезени бројни полициски екипи и една од неофицијалните верзии за настанот укажува на пукање од автомобил во движење пришто мета, наводно, бил сопственикот на локалот.

Локален новинар на агенцијата „Ју Њуз“ од местото на настанот јавува за три повредени лица во „лична пресметка“.