Научниците додаваат дека се потребни дополнителни анализи за да се разбере точното влијание на мутациите и да се утврди дали новиот сој има „конкурентска предност“ во однос на видот делта.
Во Јужна Африка е идентификуван нов вид на коронавирус C.1.2 , а научниците велат дека истиот мутирал и тоа повеќе од сите досега познати варијанти.
Освен во Јужна Африка, новиот вид на коронавирус, е пронајден и во неколку други земји, а е загрижувачки бидејќи може да биде позаразен од другите и отпорен на вакцини, пренесува новата студија на Јужноафриканскиот институт за инфективни болести.
Истражувањето сѐ уште чека целосен преглед.
Научниците за првпат го открија видот C.1.2 во мај оваа година, кога заклучиле дека тој е „наследник“ на сојот C.1, што е чудно, бидејќи C.1 последен пат беше откриен во јануари.
Новиот вид „значително мутираше“ во споредба со C.1 и затоа напредуваше во мутација во споредба со оригиналниот вирус откриен во Вухан, како и од кој било друг вид откриен.
Студијата откри постојан пораст на бројот на геноми C.1.2 во Јужна Африка на месечно ниво, што се зголеми од 0,2 проценти од геномот во мај, на 1,6 проценти во јуни, а потоа на два проценти во јули, слично како и зголемувањето со постојните бета и делта соеви.
Научниците додаваат дека се потребни дополнителни анализи за да се разбере точното влијание на мутациите и да се утврди дали новиот сој има „конкурентска предност“ во однос на видот на делта.