Нова аудио снимка на каналот „Јутјуб“ под корисничко име „Рекет“. На снимката се слуша гласот на лидерот на ВМРО-ДПМНЕ, Христијан Мицкоски, осудениот Зоран Милевски-Кичеец и женски глас. Во разговорот, Мицкоски потврди дека бизнисмен му помогнал да ги покрие долговите на партијата, кој како што вели, му биле оставени од претходниците. Во вториот дел од разговорот тие разговаараат за Законот за јавното обвинителство и за предемтот „Империја“.
На снимката објавена денеска Мицкоски разговара со Зоран Милевски-Кичеец и со Слободанка Алексовска од ВМРО-ДПМНЕ. Тој им набројува дека партијата финансиски тонела во долгови и дека немала пари да плати сметки, но Камчев му подал рака и ги подмирил сите долгови. Знаејќи го Камчев тој никому не би платил ништо ако во тоа нема личен или бизнис интерес. Така било и овој пат затоа што во дел од содржината се слуша како Мицкоски им признава на соговорниците дека тој и ВМРО-ДПМНЕ застанале против Законот за Јавно обвинителство за да го спасат Камчев од делото „Империја“ отворено од СЈО против Камчев и уште неколкумина други бизнисмени кои вршеле финансиски проневери.
Лидерот на опозициската ВМРО-ДПМНЕ, Христијан Мицкоски во врска со разговорот што денеска беше пуштен во јавноста изјави дека станува збор за нелегално снимен разговор и оти од еден разговор се сечат, и монтираат парчиња по потреба на СДСМ и на претседателот на партијата, Зоран Заев.
„Тој е еден разговор. Се сечат и се монтираат парчиња по потреба на СДСМ и Зоран Заев и мислат дека ќе помогне нешто во нивната кампања, во намалување на дебаклот што им следи“, изјави Мицковски.
Лидерот на СДСМ, Зоран Заев денеска изјави дека ја исклучува можноста СДСМ да ги пушта во јавност разговорите што се појавија деновиве, а на кои се слуша гласот на лидерот на опозицијата, Христијан Мицкоски. Претпоставував дека тоа го прави некој од присустните на состанокот на кој имало три лица, вели Заев.
Тој, како што кажа, очекува во полиција да бидат повикани и лидерот на опозицијата, Христијан Мицкоски, Орце Камчев осомниен во случајот „Империја“, според истите аршини како што го направиле со Ден Дончев.