Лос Анџелес Лејкерс влегува во нова ера. Прославениот кошаркар кому во 1991 година му беше дијагностициран ХИВ вирус е назначен за нов претседател на „езерџиите“. Истовремено, клубот соопшти дека Мич Купчак, досегашен генерален менаџер на франшизата, е разрешен од должноста. Меѓу важните одлуки и отказот за Џим Бас кој досега ја извршуваше функцијата за кошаркарски операции.
„Денеска донесов неколку важни одлуки што се надевам дека ќе придонесат за враќање на лејкерси на местото на кое припаѓаат и сакаат да ги видат нашите навивачи. Ирвин Џонсон ќе биде одговорен за кошаркарски операции и ќе одговара директно кај мене. Во тек е потрага за нов генерален менаџер што ќе соработува со Џонсон и тренерот Волтон. Се надевам дека наскоро ќе имаме негова промоција“, рече Џини Бас, ко-сопственичка на франшизата на „езерџиите“.
Лејкерси и оваа сезона се меѓу најлошите екипи во НБА лигата што беше случај и во минатата. Моментно се последни во Западната конференција со биланс од 19 победи и 39 порази.