Обединетата албанска опозиција денеска попладне ќе го одржи четвртиот народен протест пред Владата во Тирана.
Протестот почнува во 18 часот и 30 минути, а според најавите од двете најголеми партии во обединетата опозиција, Демократската на Љуљзим Баша (ПД) и Социјалистичкото движење за интеграција (ЛСИ) на Моника Круемади, се очекува да биде најмасовен.
И на денешнот протест опозицијата ќе побара оставка од Еди Рама и формирање техничка влада, која ќе спроведе фер и демократски избори.
За безбедноста ангажрани ќе бидат повеќе од 1.200 полициски службеници од сите сектори кои ќе бидат распоредени главно пред Владата, но и други значајни институции.
Вчера, ден пред протестот,Амбасадата на САД во Тирана, упати апел за воздржаност и искористување на демократското право на мирен протест.
„ Нелегално и не демократски е да се има акти на насилство, вклучувајќи го и уништувањето на имот. Апелираме до сите лица вклучени во протестот в сабота, да се воздржат од насилство за да обезбедат мирен и конструктивен протест, апелира Американската амбасада во Тирана.
На воздржаност повика и евроамбасадорот Луиџи Сореца.
„Прво сакам да кажам дека го почитувам правото на граѓаните слободно да ја искажат својата волја. Поради оваа причина, оние кои сакаат да го изразат својот став очекувам дека тоа ќе го направат на правилен и мирен начин“кажа тој.
Од февруари се одржани девет протести кои минаа во насилство, пробиени полициски кордони, многу чадни бомби и тврди предмети фрлани врз полицијата, солзавец и водени топови, повредени полицајци, оштетени трговски објекти, возила и приведени лица.