Црна Гора денеска воведе нови мерки за заштита од ковид-19, што првенствено се однесуваат на условите за влез во земјата.

Во Црна Гора ќе може да се влезе само ако нејзините граѓани и туристите покажат дека се вакцинирани против ковид-19, да приложат ПЦР тест не постар од 72 часа, да имаат потврда дека прележале или со брз антигенски тест не постар од 48 часа.

Лицата кои не ги усполнуваат ниту еден од наведените услови ќе мора да бидат во самоизолација 14 дена. Мерките стапуваат во сила утре и ќе важат до 10 септември.

Во Црна Гора и натаму е на сила забраната за големи собири во затворено, на отворено се дозволени до 50 полнолетни лица со почитување на мерките – носење маски и држење дистанца.

Црногорската Влада предлага и училишниот час наместо 45 да трае 30 минути.