Новинарските здруженија и медиумски организации, активисти и медиумски работници во моментов на мирен протест пред Кривичниот суд, изразуваат поддршка за новинарот Зоран Божиновски.
Неговите колеги бараат судот да му овозможи на Божиновски да се брани од слобода а случајот „Шпион“ да биде предаден на Специјалното јавно обвинителство.
Насер Селмани од Здружението на новинари на Македонија истакна дека доколку судот дозволува поранешни функционери, осомничени за сериозно нарушување на демократијата да се бранат од слобода, тогаш тоа може да важи и за новинарот Божиновски.
Според Селмани, некој сака по секоја цена да осуди новинар со затвор во знак на одмазда заради објавување на злоупотреби на власта.
Во Апелацискиот суд на јавна седница која е во тек, Специјалното јавно обвинителство треба да се произнесе во однос на жалбите на обвинетите на првостепената пресуда на Кривичниот суд во овој случај.
Во 2013 година Божиновски исто така беше гонет од македонските власти но поради неговата недостапност на органите на прогонот истрагата беше прекината и продолжи по неговата екстрадиција од Србија на 21 април.