Вработените во РТС, членови на „Наш пРоТеСт“, утрово доставија петиција до Парламентот за распишување на нов јавен оглас за избор на нови членови на Советот на Регулаторното тело за електронски медиуми (РЕМ).
Петицијата беше потпишувана и онлајн и во писмена форма и собрани се 23.000 потписи.
Студентите кои ги започнаа боладите на РТС, истакнаа дека ќе се повлечат кога ќе се распише нов оглас за членови на РЕМ, кое е неактивно од ноември минатата година.
„Блокадата ја започнавме со една цел, а тоа е да распишеме конкурс за кандидати за Советот на РЕМ, кој не постои од 4 ноември. Не бевме таргетирани само на РТС, туку бевме предмет на стории во други медиуми со национална фреквенција. Се надеваме дека ќе го објават тоа“, рече Катарина Јевтиќ, студент на Ветеринарниот факултет при Белградскиот факултет во емисијата „Впечаток на неделата“.
Студентката истакна дека единствена цел им била да распишат конкурс за РЕМ, а доколку тоа се случи, студентите ќе ги спакуваат работите и ќе се вратат на факултетите.
Во емисијата останатите студенти кои гостуваа го истакнаа значењето и важноста од функционирањето на ова тело чија задача е да ги следи сите електронски медиуми во државата. За нив напредок е што сега луѓето можат да ја препознаат секоја „лоша“ вест и известување на медиумите и да се побунат како што направија сега тие.
View this post on Instagram
А, новинарите од РТС кои ја поднесоа утрово петицијата велат дека тоа е за да што побрзо им се одблокира медиумот.
„Нашата куќа моментално е блокирана од НЛ (НЛ- Непознато лице) уредник кој шири говор на омраза од непозната адреса во вестите, јас не го велам тоа, сите новинарски здруженија го велат тоа. Споредувањето на студентите со нацисти, приказните дека областа околу РТС е гето, е флагрантна форма на говор на омраза“, истакна новинарката од информативнара програма Марија Миладиновиќ Лисов.
„Да се престане со жмиркање и негледање на она што сите го гледаат. Без слободно новинарство, нема напредок во ниту еден сегмент од општеството“, изјави таа.
Попладнево во 15 часот е закажана седница на собранискиот Одбор за култура и информации, на чиј дневен ред е објавување нов повик за избор на членови на Регулаторното тело за електронски медиуми. Тоа е во согласност со барањето на студентите кои ја блокираат работата на РТС.