Енди Мареј и официјално е одликуван со титулата витез. Свечениот чин во Бакингамската палата се организира по две години од доделување на признанието од кралицата Елизабета Втора. Британскиот тенисер го доби во 2016 година во која освои две гренслем титули (Австралија опен и Вимблдон), а летото го одбрани и златниот медал на олимписките игри во Рио де Жанеиро.
„Ова беше прекрасен ден за дружење со семејството и родителите. Сакав да ги понесам и децата на церемонијата, но премлади се. Ќе го видат медалот кога ќе се вратам дома“, рече Мареј по свеченоста што ја водеше принцот Чарлс.
Мареј на почетокот на 2019 година, поточно, пред стартот на Отвореното тениско првенство на Австралија низ солзи објави дека планира да се повлече од тенисот по Вимблдон поради преголеми болки во колковите. Меѓутоа истовремено истакна дека не е сигурен оти ќе издржи дотогаш, па турнирот во Мелбурн би можел да е последен во неговата кариера.
Потоа се подложи на втора, комплицирана, операција на колкот и неизвесно е дали и кога ќе се врати на тениските терени. Енди Мареј во кариерата има две злата од Олимпијадите во 2012 година и во 2016 година и 45 победи на АТП турот.