Турнирите во бејзбол и во софтбол на летните олимписки игри во Токио во 2020 година ќе се одржат во Фукушима, област што тешко настрада во земјотресот и нуклеарната катастрофа во 2011 година. Локацијата беше предложена од организаторите и беше одобрена од Интернационалниот олимписки комитет (ИОК), па новите шампиони во двата споменати спорта ќе бидат промовирани на стадионот „Фукушима Азума“.

Јапонците сакаат да го искористат големиот спортски настан како симбол за опоравување на регионот на североистокот на земјата во кој земјотресот и разорното цунами предизвикаа хаварија на нуклеарната централа „Фукушима Даичи“. Во катастрофата загинаа или исчезнаа преку 18.000 лица.

Стадионот во Фукушима е изграден пред три децении и планирана е негова реновирање за ОИ 2020.