Манчестер јунајтед го совлада Челзи со 2:0 во осминафиналето во ФА купот за нова шлаканица на „сините“ од „Стемфорд Бриџ“, но и за менаџерот Маурисио Сари чија иднина во Лондон е сериозно неизвесна.
Автори на шестиот последователен пласман на екипата од „Олд Трафорд“ меѓу осумте најдобри во најстарото фудбалско натпреварување во светот беа Андер Ерера во 31. минута и Пол Погба во 45. минута.
И додека во црвениот дел на Манчестер се слави Норвежанецот Оле Гунар Солскјер за неговиот придонес во препородување на Јунајтед, во синиот дел на англиската престолнина се бројат деновите на италијанскиот стручњак на клупата на Челзи.
Пласман во четврт-финалето обезбедија Вотфорд, Брајтон, Милвол, Манчестер сити, Вулверхемптон, Кристал Палас, Свонси.