Динамо Загреб со минимална предност ќе патува во Лисабон на реванш мечот во осминафиналето во Лига Европа. „Модрите“ на „Максимир“ ја совладаа Бенфика со 1:0 со голот на Бруно Петковиќ од пенал во 38. минута. На најстрогата казна ` претходеше прекршок на гостински дефанзивец врз Дани Олмо што за главниот судија Мајкл Оливер немаше дилема да покаже на белата точка.
Арсенал, пак, понижен се враќа од гостувањето во Франција. Рен го победи премиерлигашот со 3:1, резултат што, сепак, не мора ништо да значи имајќи ги предвид изненадувачките исходи во Лигата на шампиони во кои Ајакс и Манчестер јунајтед покажаа дека се е достижно во фудбалот во дуелите со Реал Мадрид, односно, ПСЖ.
Францускиот состав славеше со погодоците на Бурижо во 42. минута, на Монреал (автогол) во 65. минута и на Сар во 88. минута. Почесниот за тимот од „Емирати“ го постигна Ивоби во четвртата минута. „Топчиите“ во финишот на првиот дел и во цело второ полувреме го одиграа со фудбалер помалку по исклучувањето на Сократис во 41. минута.
Интер ремизира без голови против Ајнтрахт во Франкфурт, а Славија Прага одигра 2:2 на „Рамон Санчез Пискуан“ во Севилја против истоимениот шпански домаќин. Единствениот гостински триумф во мечевите од 18.55 часот го забележа Вилјареал кај Зенит со 3:1.
Лига Европа
Осминафинале, први мечеви
Динамо Загреб – Бенфика 1:0
Ајнтрахт Франкфурт – Интер 0:0
Севилја – Славија Прага 2:2
Рен – Арсенал 3:1
Зенит – Вилјареал 1:3
Челзи – Динамо Киев 3:0
Наполи – Салцбург 3:0
Валенсија – Краснодар 2:1