Џек Ма, основачот на технолошкиот гигант Алибаба, се појави јавно во Кина откако падна во немилост пред повеќе од две години, објави АФП.
Тој не се појави во јавност од крајот на 2020 година, кога, по говорот во кој ги нападна кинеските регулатори, Пекинг ја запре планираната првична јавна понуда да ја спои компанијата Alibaba со Ant Group.
Компанијата потоа беше казнета со рекордни 2,75 милијарди долари за наводни нефер практики.
Во изминатите две години, Ма беше забележан низ целиот свет, вклучително и на шпанскиот остров Мајорка. Тој, наводно, живеел во Јапонија поголемиот дел од 2022 година.
Денес, тој го посети училиштето основано од партнерите на Алибаба во источниот град Хангжу, според објавата на училиштето на социјалните мрежи.
Ма, поранешен професор по англиски јазик, се сретна со персоналот и ги обиколи училниците пред да зборува за предизвиците што вештачката интелигенција може да му ги постави на образованието.
„ChatGPT и другите слични технологии се само почеток на ерата на вештачката интелигенција. Треба да користиме вештачка интелигенција за да решаваме проблеми наместо да бидеме контролирани од неа“, наведе училиштето во објавата.
Сопственикот на Алибаба беше мета на официјалната кинеска акција против наводните антиконкурентни практики од страна на некои од најголемите кинески технолошки компании. Загриженоста на кинеските власти произлезе од тоа што големите интернет компании контролираат премногу податоци и пребрзо растат.