Довербата во американските институции, како и во Владата, драстично е намалена во текот на првата година од претседателскиот мандат на Доналд Трамп покажува анкета спроведена пред Светскиот економски форум во Давос кој започнува утре.
Според годишната анализа на Еделман Траст Барометар, целосната доверба во четирите институции кои биле предмет на анкетата: Владата, медиумите, компаниите и невладините организации, драстично е намалена во САД отколку во која било друга држава опфатена со анализата.
Држава во која е остварена најголема доверба на граѓаните е Кина. Довербата во кинеската Влада е зголемена за осум бодови – на 84 отсто. Во САД е намалена за 14 бодови на 33 отсто.
Според Ричар Фелдман, организаторот на анкетата, ова е за прв пат да има драстично намалена доверба во САД.
Падот не се поврзува со специфични настани. Тоа се случува во време кога американската економија покажува солиден раст, а состојбата на берзите покажува рекордни цифри.
– Вообичаено е кога работите одат кон добро и довербата да биде добра. Но, наместо тоа, овде постои неповрзаност меѓу довербата и економските резултати, заклучува анкетата.